Cauayan City – Isang malaking karangalan ang dinala ng lalawigan ng Isabela matapos magwagi si David III U. Padua bilang 1st Runner Up sa Thailand International Mathematical Olympiad (TIMO) Final Round 2025–2026.
Ang prestihiyosong kompetisyon ay ginanap sa Bangkok, Thailand noong Pebrero 7–8, 2026.
Si Padua ay nag-aaral sa St. Dominic Human Development Center sa bayan ng Echague, Isabela, at nakamit din niya ang Gintong Parangal sa kategoryang **Senior Secondary, kung saan dalawampung (20) mag-aaral mula sa iba’t ibang bansa ang lumahok.
Samantala, itinanghal na kampeon sa parehong kategorya si Josh Evan David Disu mula sa Quezon City Science High School, habang ang 1st Runner Up sa Secondary 3 ay si Jose Leon Lorenzo Juliano ng Learning Links Academy.
Ang tagumpay na ito ni Padua ay patunay ng kahusayan ng kabataang Isabelino at nagsisilbing inspirasyon sa mga mag-aaral ng Lambak ng Cagayan na mangarap at magtagumpay sa internasyonal na larangan.
————————————–
Para sa update at iba pang mga balita, bisitahin ang aming facebook page 98.5 iFM Cauayan at ang aming website, www.rmn.ph/985ifmcauayan.
#985ifmcauayan
#idol
#numberone
#ifmnewscauayan
Facebook Comments
