‎𝗟𝗔𝗟𝗔𝗞𝗜 𝗡𝗔 𝗣𝗨𝗠𝗔𝗧𝗔𝗬 𝗦𝗔 𝗣𝗨𝗦𝗔𝗡𝗚 𝗚𝗔𝗟𝗔, 𝗛𝗜𝗡𝗔𝗧𝗨𝗟𝗔𝗡 𝗡𝗚 𝗞𝗢𝗥𝗧𝗘

‎Cauayan City – Hinatulan ng korte ang isang lalaki matapos mapatunayang responsable sa malupit na pagpatay sa pusang gala na tinatawag na “Puti.”

‎Ang suspek na si Keyvic Abetria ay sinentensiyahan ng pagkakakulong ng isang taon, anim na buwan at isang araw at pinatawan din ng multang ₱5,000 dahil sa paglabag sa Animal Welfare Act.

‎Sa post ng Philippine Animal Welfare Society (PAWS), nabunyag ang insidente nang mapansin ni Celine na nawawala ang pusang madalas sumalubong sa kanya tuwing siya ay umuuwi mula sa trabaho.

‎Nakita sa CCTV footage na paulit-ulit na hinahampas ng suspek ang pusa gamit ang mabigat na metal na bagay habang ito ay naglalakad lamang sa bangketa.

‎Ayon sa ulat, matapos ang insidente ay inilagay pa umano ng suspek ang bangkay ng pusa sa isang itim na garbage bag bago umalis sa lugar.

‎Sa tulong ng PAWS, naisampa ang kaso na nagresulta sa pagkakaaresto at pagkakahatol sa suspek.

video credit: Philippine Animal Welfare Society (PAWS)/FB