Cauayan City – Kasalukuyan na ang ginagawang pag-aaral at pagpo-proseso ng mga kinakailangang mga dokumento para sa Mall Voting Program ng COMELEC Cauayan.
Sa eksklusibong panayam ng iFM News Team kay Atty. Johanna Vallejo, City Election Officer ng COMELEC Cauayan, sinabi nito na dati ay sa Cauayan North Central Cauayan ang lokasyon ng voting center ng Brgy. District 2 ngunit ngayon ay plano itong ilipat SM City Cauayan.
Ayon kay Atty. Johanna Vallejo, bagama’t metikoloso ang pagsasaayos ng dokumento para sa nabanggit na programa, ikinatuwa nito na pumayag na ang mga political parties at signatories para rito.
Kasalukuyan na rin nilang pino-proseso ang Memorandum of Agreement sa pagitan ng COMELEC at SM City Cauayan, ganundin sa mga political parties upang magsilbing patunay na sila ay pumapayag na ilipat ang voting center ng nabanggit na Barangay sa SM City Cauayan.
