
Cauayan City – Nagbigay ng babala si US Secretary of State Marco Rubio laban sa mga “coercive actions” ng China sa Asya sa unang araw ng panunungkulan.
Sa isang pulong kasama ang mga opisyal ng Japan, India, at Australia o kilala bilang “Quad”, ipinahayag nila ang paninindigan para sa isang malaya at bukas na Indo-Pacific.
Inilahad ng grupo ang suporta para sa mga prinsipyong tulad ng “rule of law,” demokrasya, at soberanya, kasabay ng pagtutol sa anumang pagbabago sa status sa rehiyon gamit ang puwersa.
Iniulat naman ng Philippine Coast Guard (PCG) ang presensya ng dalawang Chinese Coast Guard vessels sa karagatan malapit sa Zambales at Panatag Shoal.
Samantala, ang BRP Suluan ng PCG ay aktibong mino-monitor ang mga aktibidad ng Chinese vessels sa loob ng exclusive economic zone ng Pilipinas.