JONES, ISABELA – Nauwi sa karumal-dumal na pagpatay ang umano’y pagtatalo dahil sa P900 na utang sa Barangay Sto. Domingo, Jones, Isabela, matapos matagpuang patay ang isang lalaki habang natutulog sa duyan.
Kinilala ang biktima sa layas na “Jake”, residente ng Barangay San Vicente, habang ang suspek ay si alyas “Mark”.
Ayon sa Jones Police Station, nakipag-inuman ang biktima sa suspek at iba pa nilang kakilala noong Agosto 17.
Dito umano muling siningil ng suspek ang biktima sa utang na tatlong taon na umanong hindi nababayaran.
Nagkaroon umano ng mainitang pagtatalo ang dalawa.
Sinabi ng biktima na babayaran niya ang utang, ngunit nasambit din umano nito na isasampal niya sa mukha ng suspek ang ibabayad sa harap ng kanilang mga kasama.
Pagkaraan ng inuman, nagtungo ang biktima sa bahay ng isang kakilala at nakatulog sa duyan sa likuran ng bahay.
Nakita umano ang bitkmang duguan at wala nang buhay habang tumatakas ang suspeksuspek nang magising ang may-ari dahil sa tahol ng mga aso at ingay sa labas.
Agad na nagsagawa ng hot pursuit operation ang pulisya at kalaunan ay naaresto ang suspek dahil sa kasong murder subalit pansamantalang nakalaya para sa regular filing.
Samantala, patuloy pa rin ang isinasagawang imbestigasyon ng kapulisan hinggil sa insidente.
