1.2 million pesos, damyos sa sunog sa Nazareth; 50 ka balay, na abo

108
PC: RadyoMaN Jonathan Bullo

Gibana-banang naa sa 1.2 million pesos ang damyos sa sunog sa Barangay Nazareth ning syudad sa Cagayan de Oro kagahapon sa hapon kung asa naa sa kapin kon kulang 50 ka balay ang na abo.

 

Matud sa Bureau of Fire Protection o BFP nga nadawat nila ang tawag mga alas 3:50 sa hapon ug na under control alas 5:02.


 

Niabot sa 3rd alarm ang sunog kung asa niabot pa sa upat ka oras ang BFP ayha nadeklarang fire out mga alas 7:51 kagabie.

 

Gibutyag ni Fire Inspector Sam Lawrence Velarde sa BFP nga nagsugod ang sunog sa balay ni Nilda Gomez apan padayon pang gisuta karon ang hinungdan sa sunog.

 

Samtang, temporaryong nagpasilong sa Barangay Nazareth gym ang mga biktima sa sunog.

Facebook Comments

From Advertisers