1.4 M nga balor sang suspected shabu, na-recover sa buy bust kahapon

94

Isa ka babahi, nadakpan sa buy bust operation sang City Drug Enforcment Unit sang BCPO, pasado alas-5 kahapon sang hapon sa Villa Christina Subdivision, Barangay Tangub, Bacolod City.

Ang suspek amo si Maricar Chavez alyas CECIL, 34 anyus, residente sang Barangay 22, syudad sang Bacolod .


Si Chavez ang naga-renta lang sa amo subdivision sa Barangay Tangub sa sulod na sang duwa ka bulan.

Sa buy bust operation kahapon sang CDEU, na-recover kay CECIL ang 225 ka gramos sang suspected shabu nga may market value nga kapin sa 1.4 million pesos.

Gina-deny naman sang suspek nga iya ang amo nga ‘recoveries’ apang gin-ako sini nga ‘runner’ gid man siya sang illegal nga droga apang sang magagmay nga supply gid lamang.

Nahibalu-an nga si Maricar ang tuod sang anay kapitan sang Barangay 22 nga si Charlez Chavez.

Ang suspek ang sa karon detained sa Police Station 8.

Facebook Comments

From Advertisers