1.5 bilyon nga budget sa Malaybalay sa 2020, aprubado na

79

Mukabat ngadto sa 1.5 bilyon pesos ang kinatibuk-ang budget nga na-aprubahan sa Sangguniang Panlungsod alang sa siyudad Malaybalay ning tuig 2020.


Sa interview sa RMN DXMB Malaybalay ngadto kang Malaybalay City Vice Mayor Atty. Jay Warren Pabillaran, gibutyag niini nga anaa sa 1,547,900,000 kapin ang na-aprubahang annual budget.

Matud ni Pabillaran nga napasa halos tanang gi-endorsong budget sa Chief Executive Branch sa ilang gihimong review gawas lamang sa minor o gamay lamang kaayong kausaban o re-alignment.

Sigun sa bise mayor nga unang higayon kini sa Malaybalay nga nakagahin ug budget nga ingon niini kadako nga budget para sa katawhan sa dakbayan.

Pasabot ni Pabillaran nga pataas ang trend sa budget sa Malaybalay kada tuig tungod kay pasaka ang Internal Revenue Allotment kon IRA ug local income.

Facebook Comments