1.6 bilyon pesos gin-alocate para sa ospital sang probinsiya

17

Nagdangat sa kapin 1.6 billion pesos ang allocation sang probinsya sa Hospital Operations Department sang Negros Occidental halin sa budget sini para sa tuig 2020.

Suno kay Board Member Araceli Somosa, chairman sang Committee on Health sang Sangguniang Panlalawigan nga ini ang para sa 11 tanan ka mga district hospital sang probinsya.


Pahayag ni Somosa nga covered sang 1.6 billion pesos nga budget ang kabug-usan nga expenses sang tagsa ka ospital nga nagalakip sang sweldo sang empleyado, maintenance kag sa ila travellling.

Siling niya nga ang 1.6 billion ang gin-base sa projection sang kagastuhan sa 2020 apesar may Universal Health Care bangud nga sa 2020 pa man ini iga-implement kag ginhimo ini bangud nga dapat na sila mag-submit sang 2020 annual budget antes ang Enero.

Ginklaro ni Somosa nga sa idalum sang budget para sa personnel ginbutangan na nila nga daan budget ang mga posisyon nga wala pa sang tawo para maaprobahan kag sa ulihi pwede man lang ini ma-strategize ukon dulaon na lang ang posisyon nga gin-create nga wala sang tawo.

Ini nagakahulugan nga may posibilidad nga ang mga plantilla casual nga empleyado nga naga obra sa hospital operations sang probinsya ang mahimo na lang nga ma job order kon luyag pa nila mag-trabaho.

[image: image.png]

Facebook Comments

From Advertisers