1 balay gub-on alang sa retrieval operation, laing tunnels nadiskubrehan

33

Davao City – Gidesisyonan na sa Incident Management Team sa Sto. Tomas, Davao del Norte nga gub-on na ang usa ka balay nga duol sa area sa na-collapse nga tunnel.

Sa pakighinabi sa DXDC RMN Davao kang Mart Sambalud, Sto. Tomas Municipal Information Officer, duna nay consent sa tag-iya sa balay nga maapektuhan sa nagpadayong retrieval operation sa upat ka mga batan-ong na-trap ug gituohang patay na.


Samtang mudagan pa sa sunod semana ang paghuman sa operasyon diin kahinumduman nahitabo ang insidente niadtong Agosto 30, 2020.

Matud ni Sambalud, paningkamutan sa maong team nga makuha ang lawas, patay man o buhi.

Dugang niini, sa pakighinabi sa gobyerno ngadto sa pamilya sa mga biktima, treasure hunting ang nakita nga rason sa pagsulod sa mga batan-on sa tunnel.

“Ang intention nila is treasure hunting gyud, ang impormasyon gikan sa pamilya,” segun ni Sambalud.




Gisiguro sab sa Sto. Tomas local government nga naay manubag nga mga indibidwal sa pagbuhat og tunnel sa area.

Gani subay sa monitoring, unom ka mga areas sa nagkalain-laing barangay sa Sto. Tomas ang nasayrang dunay mga bangag alang sa aktibidad nga treasure hunting ug pasirad-an matud pakini sa lokal nga gobyerno aron malikayan ang susamang panghitabo.

RadyoMaN Renz Barbarona

Facebook Comments