*Maga pulis del Tetuan Police Station ya planta ya caso de murder encontra con tres maga suspechao quien ya mata con un negociante del pasao mes na Talon-Talon.*
*Con el unu tres suspechao ya nombra como si Vandard Hassan y Amping mientras el disuyu dos uban ta esta pa desconosido.*
*El nombre di canda Hassan ya aparese durante el imbestigacion ta conduci el maga pulis como el responsable na matansa di Andrew Wee y Chan, duenio del un gas station na Talon-Talon.*
*El caso de murder ya somete ya na prosecutor office donde mismo el City Prosecutor el abogao Ricardo Cabaron amo el ya recivi con el maga document y ebidencia contra con el maga suspechao.*
*Acordando banda alas 7 del aga del Pebrero 27, si Wee nuevo lang ya llega na diila gas station cuando tiene ya lang cuantos persona ya aparese y unu diila ya rega de bala conele.*
*Con Wee ya lleva pa na hospital pero ya despidi este. *
