Un 59-anios persona ya muri mientras el otro unu ya sale irido despues ya hace sunggap canila el un multicab na sidewalk na Sta. Maria enantes aga.
Con el muerto ya conose como si Teodoro Jimenez Andico, Jr., de Pasonanca mientras el irido amo si Joel Lim Que, de Sta. Maria.
Si Andico ya muri unseguidas despues ya quebra su cabesa mientras con Que ya lleva corre na hospital irido.
Na report del pulis ta aparese alas 9;20 del aga mientras na sidewalk del Fr. Salvador Street na Sta. Maria canda Andico y si Que cuando derepente ya llega bien corre el multicab encamino para na Pasonanca manehando si Charlie Casinillo Polino y yan sunggap canila dos.
Con polino ya agara el maga pulis mientras con el multicab yan impound na estacion.
Facebook Comments
