1 muerto, 2 irido na tiroteo

Muerto el un 45 anios persona mientras dos del sum aga parientes el irido despues uno del dos persona muntao na motorsiclo ya rega de bala canila na bypass road del Luyahan, Pasonanca enantes madrogada.
Con el muerto ya conose como si Roel Clemente y Enriquez alias Weweng, mientras el dos irido amo canda Rodelio Clemente y Palileo, 62, anio y si Paul Clemente y Palileo, 50 anio, todo maga residents del Manicahan.
Asegun na report del Sta. Maria Police Station el tres man familia junto con el tres otro maga companiero nombrao como canda Virgil Ventura y Lledocame, 45, de Pasonanca, Elmore Saavedra, 51, de Sitoi Aplaya, Manicahan y si Constantino Galvez, 48, de Lunzuran, muntao na Toyota Pick-up type truck ta maneha si Roel estaba estos na Alexandra cockpit y cuando ya llega sila na crossing del Luyahan byspass road, tiene ya lang dos persona muntao na motorsiclo yah ace apas canila y el ancas ya rega del bala cun Roel.
Ya tupa tambien bala con Rodelio y Paul.
El maga suspechao ya entabla despues del incidente mientras con el maga victima ya lleva na un privado hospital.
Pero si Roel ya despidi amediante el curada medical.
El maga pulis ya recobri sinco capsula de 9mm pistol ana lugar del incidente.
Maga pulis ta suspecha que tiene que hace na gallera el motibo del incidente.