1 patay, 2 angol sa banggaanay sa duha ka motorsiklo sa Banga, South Cotabato

25

Banga, South Cotabato—Usa patay, samtang duha ang angol sa nahitabong disgrasya sa National Highway, Prk. Masagana, Barangay Liwanay. Banga, South Cotabato, alas 8:45 sa gabi. Ang disgrasya gilangkuban sa usa ka Skygo 125 nga gimanihuan ni Roisan Greño nga residente sa Prk. Mabuhay, Barangay, Reyes, Banga, South Cotabato ug adunay back rider, samtang ang nakabangga niini ang usa ka Suzuki Raider 150 MC nga ginamanehuan ni Jinniell Penuela, 21-anyos, single, estudyante ug residente sa Zone 6, Brgy. Libertad, Surallah, South Cotabato.

Sa inisyal nga imbestigasyon sa Banga Municipal Police Station ang motorsiklong gimanihuan ni Greño ang padulong sa Banga , samtang ang motorsiklo sa estudyanteng si Penuela ang padulong usab sa Surallah. Pag abot sa maong lugar, nahidangat matud pa sa pikas lane ang estudyante nga miresulta sa pagbanggaanay sa motorsiklo sa duruha.


Samang nakaangkon ug samad sa kalawasan ang duha ka mga drivers apil na ang backrider ni Greño nga si Diane Balofiños, 25 -anyos, dalaga, apan gideklara kining patay sa attending physician alas 9:53 sa gabie gumikan sa grabe niyang mga samad sa kalawasan.

Sa karon nagpadayon ang imbestigasyon sa kapulisan bahin sa maong insidente samtang ang duha ka mga driver ang padayon pang gipailawom sa medikasyon sa balay tambalanan.

Facebook Comments