1 patay , 4 ka CAFGU pilason sa pagpangluthang sang isa ka miyembro sang Philippine Army sa Maasin, Iloilo

Maasin, Iloilo – Isa patay samtang apat ka miyembro sang Citizen Armed Force Geographical Unit ukon CAFGU ang pilason sa pagpangluthang sang isa ka staff sergeant sang Philippine Army sa Brgy. Panalian , Maasin.

Ginkilala ang napatay nga si Albert Magarse samtang pilason naman ang utod niya nga si Aljun Magarse, pakaduha nga si Michael Magarse , tiyo nga si Juan Magarse kag si George Calipayan.
Suno kay Rene Maderable, natabo ang insidente alas 4:00 kaina sang kaagahon kon sa diin nagapapuli na siya upod ang 16 ka iban pa nga miyembro sang CAFGU halin sa baylihan sa Brgy. Ubian sang hinali lang may naglupok sang yara na sila sa Brgy. Panalian kag natiruhan na ang lima nila ka kaupdanan

Suspek sa pagpangluthang si Staff Sergeant Alvin Turko sang Philippine Army.


Indi pa matul-id kon ano ang motibo sang pagpangluthang.

Padayon nga ginabulong sa hospital ang apat ka mga pilason.

(photo from web)

(This is a developing story.)

Facebook Comments