1 patay kag isa pilason matapos nga pulihan sang kulata kag lampusan sa Koronadal City.

13

Patay ang isa ka empleyado sang isa ka mall dire sa syudad sang Koronadal, matapos nga pulihan nga kulatahon kag lampusan sang wala nakilal-an nga mga suspek sa Odi Balmores St., Brgy. GPS, Koronadal City partikular na malapit sa SITE Driving School alas 12:30 sang kaagahon.
Ginkilala ang biktima kay Lister Satur Aventura, 22 years old, single, KCC Mall of Marbel employee kag residente sang Bo. 5, Banga, South Cotabato, samtang nakaangkon man sang seryoso nga pilas sa iya nga lawas ang isa pa niya nga kaupod nga si Ace Pineda Guerrero, 22 years old, single, KCC Mall of Marbel employee kag residente sang Prk. Libra, Poblacion, Norala, South Cotabato.
Sa imbestigasyon sang Koronadal CPS ang mga biktima kag ang iban pa ka mga kaupod sini ang nagtambong sang birthday sang ila nga abyan.
Nagdesisyon naman ang mga ini nga magpauli kag maglakat padulong sa convenient store, apang pag-abot sa lugar nga natabuan sang insidente may-yara sang grupo sang kalalakihan nga yara sa walo ang nagbalabag sa ila nga alagyan kag wala na sang madamo nga rason gin-atake sang mga ini gamit ang bato kag tubo ang mga biktima.
Apang si Lester Aventura ang nakaangkon sang seryoso nga pilas nga gilayon nama nga gindala sa South Cotabato Provincial Hospital kag alas 3:00 sang kaagahon sang Pebrero 19, 2021 gindeklarar ini nga patay sang attending physician.
Padayon naman ang imbestigasyon sang Koronadal CPS sa nasambit nga insidente sa posible pagkilala sa mga suspek agud mapasakaan sang nagakaigo nga kaso.
Hustisya naman ang singgitan sang pamilya sa nadangatan ni Lister.

Facebook Comments