1 patay, syam pilason matapos nga nadisgrasya ang ginsakyan nga topdown sa T`boli, South Cotabato.

Isa patay, syam pilason sa nagluntad nga disgrasya sa dalanon sa Provincial Road, Barangay Sinolon, Tboli, South Cotabato, alas 12:30 sang hapon, Agosto 22, 2021.
Imbolbado sa nasambit nga insidente ang isa ka Kawasaki Barako 175 motorcycle, may sidecar (Top Down), ginamaneho sang isa ka 16-anyos, may syam ka pasahero nga lunsay mga menor de edad kag estudyante kag mga residente sang Purok Paraiso, Barangay Sinolon.
Sa imbestigasyon sang T`boli MPS, padulong sa Jance Resort sa Brgy. Lower, Maculan, Lake Sebu ang mga kabataan agud nga maligo, apang pag-abot sa natabuan sang insidente nadulaan sang kontrol ang driver sang topdown rason nga nahulog ang mga ini sa drainage canal.
Nakaangkon sang pilas sa mga nagkalain-lain nga parte sang ila nga lawas ang mga biktima nga gilayon nga gindala sa Moorehouse Mission Hospital sa Barangay Edwards, Tboli para sa nagakaigo nga medikasyon, apang isa sa biktima nga ginkilala kay Rexzel Lou Peñafiel, 15-anyos ang ginbawian sang kabuhi.
Gindala naman ang top down sa T`boli MPS para sa nagakaigo nga disposisyon.

Facebook Comments