10-day campaign sa Barangay sugod na

Miarangkada na sugud karong adlawa ang kampanya sa mga kandidato alang sa barangay ug SK election sa Mayo 14 ning tuiga. Gitugutan sa Commission on Election (COMELEC) ang mga kandidato sa barangay ug SK nga mangampanya sugud alas 12 kaganinang tungang gabie, hangtud sa tungang gabie usab sa Mayo 12, adlawng Sabado. Subay niini, subling gipahinumduman sa COMELEC ang mga kandidato nga sundun ang gidesignar nga common poster area alang sa ilang mga campaign posters.  Bawal ang pagbutang ug poster ug propaganda materials gawas sa common poster areas, bawal sa pampublikong lugar ug bawal usab sa mga pribadong lugar gawas lang kung adunay pagtugut sa tag-iya. Dinhi sa dakbayan sa Butuan, gibutyag ni PSSupt. Albert Magno, city director sa Butuan City Police Office (BCPO) nga adunay 6 ka mga barangay ang gitutukan ang seguridad isip mga “areas of immediate concerns” tungod sa presensya sa rebelding New Peoples’ Army (NPA). Giklaru ni Atty. Francisco Pobe, regional director sa COMELEC Caraga nga walay barangay dinhi sa rehiyon ang adunay init nga ribal sa mga kandidato luyu paman nga adunay 93 ka mga barangay ang giila sa PNP nga “areas of immediate concern” karong eleksyon.

Sent from my Samsung Galaxy smartphone.

Facebook Comments