10 GCQ violators sikop sa San Ped PNP

Davao City – Kalapasan sa RA 11332 in relation to Executive Order number 33 ang i-kaso sa dul-an napulo ka mga tawo human nadakpan sa San Pedro Police Station sukad gipatuman ang General Community Quarantine (GCQ) niadtong sabado Mayo 16, 2020 sa syudad sa Davao.

Sa pakighinabi sa DXDC RMN Davao kang Police Major Jack Tilcag, Station Commander sa San Pedro Police Station, sagad sa mga nadakpan nakalapas sa curfew hours, walay Food and Medicine Pass ug wala nituman sa number coding.

Matud ni Tilcag, nga strikto gihapon ang pagbantay sa tulo ka control points nga gimuntar sa iyang area of responsibility.


Subling gipasidan-an ni Tilcag ang katawhan nga mutuman sa mga guidelines nga giimposar sa kapulisan.

“Ang ato lang ginahangyo sa katawhan sa Davao cooperation lang para atleast malikayan nato ang spread sa kini nga virus, kailangan gyod nato ang cooperation, mutuman sa stay at home kun wala tay importante trabaho or kun wala tay importante paliton, magpondo nalang sa atong balay aron malikayan nato ang pag spread sa virus,” saysay ni Tilcag.

RadyoMaN Don Pulayao

Facebook Comments