General Santos City–Gibutyag karon ni Police Senior Inspector Juanito Castillo, Hepe sa Maitum Municipal Police Station nga ila karong gimonitor ang napulo ka tawo ilang sa area of responsibility nga una nang nag surface pipila ka bulan na ang nakalabay human sa ilang nadawat nga impormasyon nga mibalik sa iligal nga binuhatan ang mga nahisgutan.
Buot nilang makumperma ang maong impormasyon aron nga ilang mapahigayonan ug operasyon.
Dugang pa ni PSI Castillo nga hugot usab ang ilang gihimong monitoring sa posebling pagpasulod sa lungsod sa mga indibidwal nga nalambigit sa droga nga gipalusot agi sa may Palimbang Sultan Kudarat gikan sa Cotabato City.
Sa kasamtangan duna na silay mga tawo nga ginatutukan kansa gidudahang responsabli sa pagpalusot ug iligal nga droga sa ilang AOR. (Ray Sabillo)
