Gikunpirma ni Dr. Bernard Julius Rocha, Liaison Officer sa Northern Mindanao Medical Center o NMMC nga adunay napulo ka mga healthcare workers sa NMMC ang nataptan sa coronavirus disease o COVID-19.
Ang maong mga empleyado nga nagpositibo sa COVID-19 pulos wala ma-assign sa Emerging and Reemerging Infectious Diseases o EREID section kung asa ginapahimutang ang mga suspected ug confirmed COVID-19 cases sa NMMC.
Siyam sa napulo ang active cases, diin usa ang kasamtangang na-admit sa EREID section sa ospital ug walo ang gipahimutang sa temporary treatment and monitoring facility sa syudad.
Usa ang naka-recover na sa sakit ug nakabalik na sa trabaho.
Nasayran nga 75 ka mga empleyado nga ‘high risk’ ang kategorya sa exposure sa virus ang gipaubos sa COVID-19 real time reverse transcriptase polymerase chain reaction test, diin siyam ang nag-positibo.
Source: CIO
