10 ka mga establishemento kag 3 ka mga balay nasunog sa Brgy. Zone 1, Koronadal City, danyos more or less P2.7million.

30

Ginabulubanta nagalab-ot sa more or less P2.7 million ang kantidad sang natuga nga danyos sang nagluntad nga sunog sa Osmeña St., Brgy. Zone 1, Koronadal City pasado alauna kagaina sang kaagahon, Disyembre 30, 2020.
Ini matapos suno kay Senior Fire Officer 1 Mikael Francis Falalimpa, Chief Intelligence and Investigation Unit sang BFP Koronadal nga yara sa 10 ka mga establishemento nga ginalakipan sang Farmers bread, karenderya, parlor,barbershop, kag 3 mga balay ang nasunog.
Ginkumpirmar man ni SFO1 Falalimpa nga nakabaton sila sang tawag 1:40 sang aga kag gindeklarar nga fire-out alas 3:35 na sang aga,
Samtang naglab-ot naman sa ikatatlo nga alarma ang sunog tungod daku na ang kalayo sang nag-abot sila suno kay Falalimpa, matapos nga madasig nga naglapta ang kalayo bangud kalabanan sa mga establishemento kag balay ang himo sa light materials.
Sa subong suno kay Palalimpa padayon pa ang ila imbestigasyon sa ginhalinan sang sunog.
Ini ang ikaduha na nga insidente sang sunog sa Koronadal City subong nga Disyembre bag-o pa man magtakop ang tuig 2020.
Matandaan nga sang bisperas sang paskwa nasunog man ang isa ka balay kag kaingod nga mga establishemento sa Balmores Street, Brgy. GPS, Koronadal City.




Facebook Comments