100- ka mga balay naugdaw sa sunog sa Bato Ermita Cebu City

Mokabat sa usa ka gatus ka mga panimay ang hingpit nga naugdaw sa dakong sunog nga niulbo sa Sitio Bato Brgy Ermita pasado ala -una kaganihang hapon.
Sa inisyal nga imbestigasyon sa kabomberuhan , usa ka 5 anyos nga bata nga nagduwa-duwa og posporo ang hinungdan sa sunog. Giingong daling nikaon sa mga hinayhinay ug foam ang kayo ug nikatap sa kasikbit pa nga mga balay nga gama sa mga kahoy.
Ang sunog niabot og general alarm pagka alas 2:22 ug nakontrolar oagka 3:07 sa hapon.
Matud ni SFO3 Emiliano Daño sa Cebu City Fire Dept. nga walay casualty sa sunog apan dunay duha nga na-angol. Kini mao sila si Worky Toreles nga naka angkon og paso sa iyang bukton ug Wendell Taculoy nga samdan sa iyang kumagko.
Padayon pang nag-ihap ang kabomberuhan sa tanang panimay nga nasunog ug kon pila ang danyos niini.
Ang kabomberuhan niangkon na kalisdanan sa agianan ang ilang nasugatan nga problema sa pagpawong sa kayo.

Facebook Comments