100 nga Grab taxi, mabiyahe na ha Tacloban City

801

TACLOBAN CITY – Titikangan na han Grab taxi an pag-abri hin serbisyo ha syudad han Tacloban ha tikaarabot nga bulan han Abril pinaagi han pagdumara hin beta testing.

Sumala kan Land Transportation Francising and Regulatory Board Regional Director Renwick Rotaquio, plano han Grab ha syahan nga semana han bulan han Abril nga magdumara hin beta testing ha Tacloban kun diin purluminos 100 nga mga sarakyan an gin-lalauman nga mabiyahe.

Pagklaro naman han opisyal nga testing pala an pagbubuhaton han Grab kun diin kikitaon pa kun hira in ma-income ha syudad ngan waray pa hira approval tikang ha Central Office han LTFRB agud hira in makag fully-implement.

Dugang pa han opisyal nga madepende pa ha resulta han pagbubuhaton nga beta testing han Grab kun hira ba in magpapadayon han ira serbisyo ha syudad. Mahitungod nga testing pa man la in waray laanay kabaraydan ha LTFRB an Grab.

Ginlalauman nga yana nga semana in mabisita ha Tacloban an mga opisyalis han Grab agud magpabulig ha media nga maipasamwak an ira plano nga pag abre hin serbisyo ha Tacloban City.

Facebook Comments