Nagalab-ot sa masobra P100,000.00 ang natuga nga danyos sa nasunog nga isa ka puluy-an sa Prk. 3-B, Barangay Morales, Koronadal City pasado alas 8:50 kahapon sang aga.
Ang nasambit nga puluy-an ang ginapanag-iyahan ni Luisa Ramos kag ginaparentahan niya ini sa duha ka mga pamilya.
Base sa ila imbestigasyon suno kay Fire Officer 1 Joric Abalos, investigator sang Bureau of Fire Koronadal naghalin ang kalayo sa ginaakupa nga puluy-an sang pamilya Larida.
Isa naman sa ginalantaw nga rason sang sunog ang nakasaksak nga refrigerator sa puluy-an sang pamilya Larida matapos nga ini lamang suno pa ang appliances nga wala naunplug sang nagbiya sila sa balay.
Apang sa subong suno kay FO1 Abalos padayon pa nila nga ginaimbestigaran ang matuod-tuod nga ginhalinan sang sunog.
Ginkumpirmar man ni Abalos nga isa ang nakaangkon sang minor injury sa nasambit nga insidente.
Advice naman sang pamunuan sang Bureau of Fire Koronadal sa katawhan nga kon maghalin sa balay siguraduhon nga wala sang butang nga makatuga sang sunog.
