Davao City – Fully vaccinated na ang centenarian ug oldest vaccinee sa Davao City nga si Genoveva Yuson Lanutan “Lola Bebang”, 103 anyos human gibakunahan sa iyang second dose sa Astrazeneca kagahapong adlawa, Agosto 3, 2021 sa A. Mabini Elementary School vaccination hub.
Sumala ni Dr. Margie Roa-Rubio nabakunahan si Lola Bebang niadtong May 19, 2021 sa iyahang first dose.
Matud ni Rubio, human kini nagpabakuna daghang na-engganyong mga edaran ang niadto sa mga vaccination sites aron usab magpabakuna.
Kahinumduman gisulti sa iyang anak nga si Annie Lanutan Laburada, nga niadtong 97 anyos pa kini niagi kini’g laparoscopy o gallstone surgery.
Matud ni Lola Bebang buot niyang mamahimong ehemplo sa katawhan nga ang pagpabakuna mas luwas isip proteksyon kontra sa makamatay nga COVID-19.
RadyoMaN Aimee Guinita
