Pinakakasuhan ng administratibo ng Independent Commission for Infrastructure (ICI) sa Office of Ombudsman ang mga sangkot sa ghost project sa Riverbank Protection Structure sa Plaridel, Bulacan.
Kabilang sa pinasasampahan ng ICI ng kasong administratibo sina dating Department of Public Works and Highways (DPWH) Sec. Manuel Bonoan, dating Undersecretaries Roberto Bernardo, Maria Catalina Cabral at 8 iba pa
Sa report ng ICI, umaabot ang ₱72M ang ghost flood control project.
Sa interim report ng ICI, lumalabas na nalabag ng mga nabanggit na indibidwal ang grave misconduct, gross dishonesty, conduct prejudicial to the best interest of the service, o code of conduct and ethical standards for public officials and employees.
Inirekomenda naman ng komisyon na kasuhan ng kriminal sina dating DPWH engineers Henry Alcantara, Brice Hernandez, may-ari ng Topnotch Catalyst Builders Inc. na si Eumir Villanueva, at 5 na iba pa.
Kabilang sa mga kasong inirekomendang isampa laban sa kanila ay paglabag sa anti-graft and corrupt practices act, malversation and falsification, presidential decree no. 1759 at government procurement reform act.
