107 anyos nga Lola sa Sugbu nakadawat ug 50K

Laing centenarian ang nakadawat ug P50,000 nga cash incentive gikan sa kagamhanan sa lalawigan sa Sugbu .

Si Lola Rosita Codilla , nagpuyo sa Talisay City sa Cebu ug nag-edad na karon ug 107 anyos , nidawat sa iyang cash incentive gikan ni Bise Gobernador Agnes Magpale sa kapitolyo .

Si Lola Rosita nahimong kanhi Miss Sogod ,ug bisan nag-wheelchair na apan nagpabiling lagsik ug mahilig pang mokanta sa iyang pangidaron nga 107 anyos .


Ang sekreto ni lola mao ang iyang pagkamalipayon , mahilig mokaon ug utan ug dungan sa pag inom niya kada adlaw ug bitamina.

Matud ni Lola taliwa sa iyang edad karon nga 107 na siya , ang iyang “wish” nga makaabot pa siya sa edad nga 200 anyos .

Ang iyang inahan nasayran nga ni-edad sab diay ug 116 anyos samtang iyang bana 97 ang edad dihang nitaliwan sa laing kalibutan .

Facebook Comments