10ID malampusong gilupig ang CPP-NPA sa katapusan sa Duterte admin

Davao City- Nagmalampuson ang 10th Infantry Division Philippine Army sa pagkab-ot sa ilang target nga mamahimong luwas ang Davao Region kontra insurhensiya sa paghuman sa termino ni kanhi President Rodrigo Roa Duterte.

Sa interbyu sa DXDC RMN Davao kang Captain Mark Anthony Tito, spokesperson sa 10ID, gikan sa 15 ka Guerilla Fronts ug 6 ka mga Pulang Bagani Commands (PBCs) niadtong 2016, usa nalang ka Guerilla Front (Weakened Guerilla Front 18) ug Regional Guerilla Unit ang nahibilin sa Davao Region.

Gawas sa Davao Oriental, tanang probinsya lakip na Davao City ang insurgency free na.

Sa rekord sa 10ID, mosumada sa 367 armed encounters; 1,567 firearms ang nasakmit; 1,614 Communist NPA Terrorists (CNTs) ang na neutralized lakip na 48 CNT key leaders samtang 322 barangays ang cleared na sa impluwensya sa Communist Terrorist Groups (CTGs).

” We believe nga naabot gyod nato atong target. High morale ang kasundaluhan tungod sa atong mga kalampusan,” matud niini.

RadyoMaN Aimee Guinita

Facebook Comments