10TH ID apil maghatag og seguridad sa Barangay ug SK election

Davao City – Mag-agad ang 10th Infantry Agila Division Philippine Army sa guidance gikan sa Commission on Election alang sa ilang mamahimong papel sa taliabot nga Barangay ug Sangguniang Kabataan Election karong buwan sa Oktubre.

Matud ni 10th ID Philippine Army Spokesperson Captain Mark Anthony Tito nga wala pa nagpatawag og panagpulong ang COMELEC-XI ngadto sa mga otoridad ug sa kasundaluhan aron hisgotan ang plano sa seguridad alang sa mahitabong Barangay ug SK Election.

Segun ni Tito nga apil ang 10th ID sa paghatag og seguridad alang sa piniliay sa Barangay ug sa Sangguniang Kabataan sama sa nakalabay’ng mga eleksyon ang kasundalohan nahimong kabahin sa paghatag og seguridad sa mga polling precincts palibot sa entero Davao Region.

Suma pa ni Tito, wala pa po’y gihatag nga listahan ang COMELEC-XI sa mga lugar sa rehiyon onse nga makonsiderang hotspots gumikan sa mga politiko nga nagbaton og pribadong kasundalohan.

Dugang sa tigpamaba nga nagpabiling malinawon ang ilang area of responsibility gikan sa presensiya sa mga dautang elemento sama sa teroristang CPP NPA NDF.

RadyoMaN Joel Viray

Facebook Comments