10th ID walay natalang extortion incidents sa eleksyon

Davao City – Gibutyag sa 10th Infantry Division (ID), Philippine Army (PA) nga walay natala nga mga insidente sa extortion gikan sa grupo sa New People’s Army (NPA) niadtong May 9, 2022 National ug Local Elections sa ilang Area of Responsibility (AOR) ug bisan sa entero Davao Region.

Atol sa One Davao on COVID-19 Virtual Presser, gibutyag ni Captain Mark Anthony Tito, Spokesperson sa 10th ID Phil.Army, gikan Enero 1, 2022 hangtud ning pagsibya, walay nakuha ang mga rebeldeng grupo nga kwarta ilabina alang sa ‘permit to campaign’ or ‘permit to win’ gikan sa mga kandidato nga nidagan niadtong piniliay.

“Successful gyud ang atoang eleksyon tungod kay wala nay nagsamok-samok nga communist NPA terrorist sa atoang area. Makita gyud nato very peaceful, orderly and nahitabo nga eleksyon,” sulti ni Tito.

Nagpasalamat ang opisyal sa programa sa gobyerno ilabina sa National Task Force to End Local Communist Armed Conflict (NTF-ELCAC), diin ang mga lugar kaniadto nga adunay presensya sa rebeldeng grupo, nahimo na karong lugar sa turismo.

RadyoMaN Kirby Manzon