11-anyos nga ungang babaye gindaea it tricycle driver sa andang baeay ag ginhana nga himuslan?

14

Kalibo, Aklan — Nagapangurog pa nga nagdangop sa Kalibo PNP rong sangka 11-anyos nga unga ukon Grade 6 student kaibahan ro anang nanay para nga ireklamo ro sangka tricycle driver nga naghana nga maghimueos sa unga.
Suno sa nanay nga base sa panugiron ko anang unga nga halin sa eskwelahan raya ag nagapauli eon. Nagpara imaw it tricycle ag ginpasakay mat a imaw.
Nagsakay imaw sa likod nga parte it tricycle ag ko ulihi may nagsakay nga daywa ka eaki pero paadto it plaza.
Imbes nga unahon imaw it hatod hay tag daywa anay ngato ro gin una hatod it driver sa plaza. Ag tag imaw lang habilin hay nag hambae dayon suno sa unga ro driver nga mahapit anay imaw sa anda ay may boe on.
Samtang idto eon hay ginsumbilan pa it juice rong unga ag ko ulihi napan uhan it unga nga may siyaw ro driver sa hawak kung sa siin hinadlukan raya.
Dikara eon dumaeagan paeayo ro nasambit nga unga kung sa siin pag abot na sa karsada hay timing man nga may nag agi nga tricycle ag nagpangayo imaw it bulig para maka uli sa anda.
Sa makaron hay padayon rong ginapatigayon nga follow up ko mga kapulisan para nga makilaea ro nasambit nga tricycle driver bangud nga uwa matandai ko unga ro body number ukon plate number ko nasambit nga tricycle kundi ro kulay eamang nga itom ag puti.

Facebook Comments