Davao City – Gikasohan na sa Philippine Drug Enforcement Agency (PDEA-XI), ang mga naarestong drug suspects lakip na ang anak sa kanhi konsehal nga si Phillip Sison Galope ug personahe sa City Traffic and Transport Management Office ( CTTMO ) Reynaldo Deiparine ug laing siyam ka mga suspetsadong nadakpan sa managlahing buy bust operation ning rehiyon.
Sumala ni PDEA XI Asst. Regional Director Atty.Behn Tesiorna, kalapasan sa RA 9165 (Comprehensive Dangerous Drugs Act of 2002) gipasakang kaso batok sa mga dinakapan, samtang mokabat sa 190K shabu ang nasakmit sa balay ni Galope sa Diamond Street, SM Village, Bangkal, Davao City nga gihimo matud pang drug den. Naabtan sa mga operatiba ang mga bisita sa maong drug den nga sila Jonathan Castillo, Grendell Udan, and Lorenzo Pascua.
Samtang, dakpan sab ang mga suspects nga sila Sherwin Rivas, May Salupan, Arvin Joie Apura, Jovine Cañares, Alter Dalle Gelig ug Noli Monreal sa buy bust operation sa drug den sa Purok Suaybaguio, Barangay Magugpo North, Tagum, City, Davao del Norte ug mokabat sa P10K sa shabu ang nasakmit sa maong operasyon.
RadyoMaN Aimee Guinita
