Ubay-ubay nga mga kandidato gikan sa 11 ka bukirang barangay sa dakbayan sa Sugbu nilagda ug peace covenant , subay sa pagsugod na sa kampanya ugma alang sa mga nanagan sa Barangay ug Sangguniang Kabataan Election.
Ang Commission on Elections ug kapolisan sa dakbayan sa Sugbu maoy nipasiugda sa peace covenant signing sa covered court sa Barangay Adlaon .
Ang mga kandidato nga nipirma nagpasabot sa paghatag sa ilang commitment aron siguraduhon nga mahimong hapsay ug malinawon ang kinatibuk-ang kampanya hangtud na sa pag-abot sa adlaw sa piniliay karong Mayo 14.
Tungod kay ang social media gipaabot nga daku ang mahimong papel sa kampanya , panawagan sa mga kandidato ngadto sa mga supporters nga kung mahimo likayan ang pagpost ug mga mensahe nga makamugna na hinoon ug kasamok sa kampanya.
