11 na ka armas ang narekober sa AFP sa sunod-sunod nga engkwentro sa Kitaotao, Bukidnon

58

Mukabat na sa 11 ka mga armas ang narekober sa kasundaluhan human nga nahitabo ang engkwentro tali sa New Peoples Army kon NPA ug tropa sa kasundalunan sa Brgy. Kipilas, Kitaotao, Bukidnon.

Sa interview sa RMN Malaybalay ngadto kang Lt. Col. Oscar Partuza, ang commander sa 3rd Infantry Battalion, Philippine Army gibutyag niini nga nahitabo ang engkwentro sugod kaniadtong Dominggo hangtod kaniadtong Martes, Abril 9 ning tuiga sa mao nga dapit.

Nagpasalamat usab si Partuza sa publiko sa kooperasyon nga gihatag niini sa kasundaluhan aron ilang mailog ug matutulan ang kampo sa mga NPA.

Gikumpirma usab niya ang pagkapatay sa usa ka miyembro sa NPA.

Sa karon gikumpirma pa nila ang pangalan sa mao nga napatay ug ilang nasayran nga taga Talaingod, Davao del Norte kini.

Gipahayag ni Lt. Col. Partuza nga ang body count lang ang ilang gi-ihap nga napatay kaniadtong Domingo nga engkwentro apan sa panagsangka kaniadtong Martes gi-ingon matud pa sa mga sibilyan nga adunay upat ang namatay nga mga miyembro sa NPA nga wala usab nila hatagi ug gimbug-aton tungod kay wala nila kini nakita sa akto.

Apan aduna matud pay mga pat-ak sa dugo ang ilang nasuta sa dapit nahitaboan sa engkwentro.

Nasayran usab nila nga nasamdan ang usa ka alyas Egor nga maoy commander sa Guerrilla Front Committee 56.

Sa karon padayon ang gihimong hot pursuit operation sa tropa sa 3rd IB. Nanawagan usab kini sa mga nasamdan nga mutahan na lang aron mapatambalan ug itug-an kung aha ang gipangbiyaan aron mahatagan ug disenteng lubong.

Facebook Comments