115 narekord nga kaso sang COVID -19 sa South Cotabato Rehabilitation and Detention Center.

12

Nagalab-ot sa 115 ang narekord nga kaso sang COVID-19 sa South Cotabato Rehabilitation and Detention Center base sa datos sang Provincial Epidemiology Surveillance Unit halin Mayo 25 tubtob Hunyo 10, 2021.
Sa nasambit nga numero 110 ang persons deprived of liberty nga lunsay mga lalaki kag 15 ka mga personnel sang SRDC ang positibo sa COVID-19.
Nakaeksperyensya sang ubo kag hilanat ang mga nagpositibo rason nga ginpaidalom ang mga ini sa RT-PCR test.
Samtang ang 110 ang nakaeksperyensya sang mild symptoms nga nagapaidalom sa quarantine kag lima ang naadmitir sa ospital, apang apat na ang nadischarged.
Base sa assessment makabig nga high risk area ang SRDC kag madasig ang paglapta sang COVID-19 tungod overcrowded ang pasilidad.
May-angot sini, may mga ginahimo naman nga tikang ukon interbensyon ang pamunuan sang Provincial Jail upod ang mga concern nga ahensya sang gobyerno kapareho sang pagpaidalom sa quarantine sa mga suspect cases kag pagbutang sa isolation facility sa mga kumpirmado nga positibo sa COVID-19.
Pagpatigayon sang disinfection sang PDRRMO South Cotabato sa SRDC grounds.
Ang City Health Office sang Koronadal naman ang responsable sa specimen collection, isolation facility sa mga SRDC personnel nga positibo.
Samtang ang IPHO ang nagapatigayon sang specimen collection and testing kag ang SCPH ang sa specimen collection kag case management.
Hugot man nga ginapatuman ang minimum health standards kapareho sa pagsuksok sang facemask kag iban pa sa SRDC compound.
Ginarekomendar naman ang padayon nga active case finding, specimen collection and testing, quarantine, isolation kag management of cases sa Provincial Jail.

Facebook Comments