Nadugangan sang 116 ang kaso sang COVID-19 sa Western Visayas subong nga Huwebes.
Sa karon nagsaka na sa 14,193 ang kabug-usan nga kaso sang COVID-19 sa rehiyon 6. Base sa COVID-19 case bulletin 202 nga ginpaguwa sang DOH-6.
May pinakamadamo nga bag-o nga kaso ang narecord sa syudad sang Iloilo nga may 61, ginasundan sang Negros Occidental nga may 32, syudad sang Bacolod may 10, probinsya sang Iloilo may 9 kag probinsya sang Guimaras nga may 2 ka kaso.
Nag-ayo naman sa balatian ang dugang nga 250 ka pasyente rasun naglab-ot naman sa 10,818 ang mga nakarecover.
Nagsaka naman sa 347 ang mga napatay sa balatian sa rehiyon matapos 5 pa ka pasyente ang ginbawian sang kabuhi.
Sa karon yara na lamang sa 3,028 ang aktibo nga kaso sang COVID-19 sa Western Visayas.
[image: image.png]
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>
