117 narekord na nga kaso sang tipdas sa South Cotabato.

14

Naglab-ot na sa 117 ang suspected measles cases sa probinsya sang South Cotabato kag nagapabilin sa isa ang patay halin Enero 1 tubtob Marso 11 subong nga tuig nga mas mataas sang 62.5% kumparar sang nagligad nga tuig sa kapareho nga period.
Sa nasambit nga numero 78 sa mga ini ang wala nabakunahan sang anti-measles vaccine sang sila ang bata pa.
Nahibaluan nga sa isa lamang ka semana, 19 ka kaso ang nadugang sa surveillance report kag tanan nga pasyente ang gin-admiter.
May mataas naman nga kaso sang tipdas ang banwa sang Pomolok nga naglab-ot sa 65 sa diin may clustering sa barangay Cannery Site, Crossing Palkan, Glamang, Koronadal Proper, Poblacion, Magsaysay, Pagalungan, Upper Klinan, kag Polo.
Samtang nagaggwa naman sa datos sang Provincial Epidemiology Surveillance Unit sang IPHO nga mas madamo na nga mga teenagers sa probinsya sang South Cotabato ang nagbalatian sang tipdas, tungod 51 sa mga naigo sang tipdas ang nagaedad sang 16 – anyos pataas, nga 44% sang kabug-usan nga numero sang mga kaso.
May-angot sini mismo si Provincial Health Officer Dr. Rogelio Aturdido Jr. ang nagamonitor sa mga Barangay Health Stations sa probinsya agud sekyaron ang ginapatigayon nga massive measles immunization sa mga kabataan may edad 6 ka bulan tubtob lima ka tuig.
Nahibaluan nga ang tipdas ang isa ka makalalaton nga balatian tuga sang virus lakip sa sintomas sini amo ang hilanat,, ubo kag pag-angkon sang rashes nga naga umpisa guya kag amat-amat nga nagalapta sa iba pa nga bahin sang lawas.
www.avast.com/sig-email?utm_medium=email&utm_source=link&utm_campaign=sig-email&utm_content=webmail>

Facebook Comments