Yara sa edad nga 12-13 anyos ang narekord nga pinakabata nga nagbun-ag sa South Cotabato sang nagligad nga tuig base sa datos nga nakuha sang Provincial Population Office sa mga municipal civil registrar.
Samtang kabug-usan nagalab-ot sa 1,405 ang datos sang teenage birth sa late registration kag sa timely registration ang nagalab-ot naman sa 758 nga manubo suno pa kumparar sang tuig 2017.
Ginpaklaro naman ni Provincial Population Officer Zenaida Duron nga lain ang datos nila sa teenage pregnancy nga kuhaon mismo nila sa municipal health office kag posible makuha man nila ang datos sang nagligad nga tuig.
May-angot sini, suno kay Maam Duron ang posible nga rason sang pagnubo sang kaso sang teenage birth sa probinsya ang tungod sa implementasyon sang K to 12 kag subong man intervention kag mga programa sang talatapan.
