General Santos City–Hagbong sa Dr. Jorge P. Royeca Hospital ang usa ka batang lalaki human nga nabanggaan sa Purok Silway, Daremco, General Santos City alas 5:45 sa hapon.
Giila ang biktima nga si Adrian Dibari 12-anyos lumulopyo sa Bajao Village, Bawing ning Dakbayan sa GenSan.
Gidala ang nasampit nga biktima sa hospital sa usa ka single nga motor nga gi-Drive-an ni Rofu Rasonable lumopyo sa Prk. Saludin, Brgy. Labangal, General Santos City.
Nabanggaan ang maong biktima sa usa ka single nga motor tungod kay kini mitabok ug kalit sa dalan, maong nakaangkon siya ug sakit sa lawas ug paso sa iyang tuong tiil ug paa human nga naduot sa tambotso sa motorsiklo ang panit niini.
Sa karon padayon pang nagpaalim sa iyang samad nga naangkon ang maong biktima. (Raven Joy S. Bucio)
