12 anyos gibunalan ug bangko sa usa ka negusyante

General Santos City—Samad sa iyang kilay, ulo ug sa bukton nga bahin ang naangkon sa usa ka 12 anyos nga itago lang sa pangalang Alias Mark, residenti sa PI-16, Barangay City Heights, Gensan human kining gibunalan sa nanag-iya ug internet café nga makaplagan sa maong lugar alas 9:40 ang takna sa gabie.

Sumala sa record sa Dr. Jorge Royeca Hospital nasuta nga nag internet ang biktima sa Internet café nga gipanag-iyahan sa wala nganling negusyante.

Apan kalit lang matud pa nga napalong ang connection niini, butang nga gikasuko sa suspek. Mikuha kini ug bangko dayon gibunal sa biktima nga hinungdan sa pagkasamad niini.


Maayo nalang nga nakit-an sa mga silingan ang insidenti, giuwang ang suspek sa gihimo sa biktima, samtang ang biktima gidala dayon sa ospital. Sa karon nagpadayon ang gihimong imbistigasyon kalabutan sa insidenti.

Facebook Comments