12 anyos nga batang babaye ginakulata sa iyang step father, mireklamo

12

General Santos City–Gikumperma sa 12 anyos nga si Alias Laylay nga taga Purok Stella Mariz, Barangay Tambler, Gensan nga punay gyud syang kulatahon sa iyang ama-ama nga si alias Janjan, residenti sa maong lugar.

Gawas kaniya, ginakulata sab sa suspek ang uban pa niyang mga igsuon.

Daghan matud pa makapamatuod niini tungod daghang silingan nila ang makakita kung sila kulatahan sa ilang step father.

Samtang gikumperma usab ni Purok Chairman Ruth Dela Cerna nga duna gyoy record ang suspek sa ilang purok.

Sumala niini nga kaniadto iya nang gihusay ang mga nasampit human nga mireklamo ang apohan sa mga bata gumikan sa pagpangulata niini sa anak sa iyang kapuyo.

Gani nagsaad na ang suspek nga dili niya usbon ang iyang gihimo apan ning bag-ohay lang laing reklamo na usab ang iyang nadawat human nga gisubli na usab sa suspek ang pagpangulata.

Kahinumduman nga una nang midangop sa kapulisan ang mga kabanay sa bata gumikan na usab sa punay nga pagpangulata sa suspek ngadto sa mga anak sa iyang kapuyo nga tua karon sa abroad.

Facebook Comments