12-anyos nga batang babaye, gitabangan ug rape sa duha ka lalake nga ilang silingan.

Gitabangan ug lugos sa duha ka mga lalake ang usa ka 12 anyos nga batang babaye sa ilawom sa kasagingan sa barangay Tuyom syudad sa Carcar sa makaduha ka higayon.

Ang bata, kansang pangalan gipugngan, nagkanayon nga niadtong Marso 13 alas 8 sa gabii gisugo matod pa siya sa iyang amahan nga mopalit ug butane.

Sa iyang pagpauli iyang nasugatan si Jonathan Requinto 23, silingan ra usab sa biktima ug gitionan siya sa dala niini nga kutsilyo dayong bitad kaniya sa kasagingan ug gihilabtan ang iyang pagkababaye.

Tungod sa kahadlok wala na siya mosumbong sa iyang mga ginikanan apan pagka Marso 26 adlawong domingo alas 7:30 sa kagabhion iya na usab nga nasugatan ang suspek nga si Requinto apan ning tungora duna na kini kauban nga giila sa ngan nga Ryan Subelario 18 anyos.

Sama sa dapit nga gidalhan ni Requinto didto siya gitabangan sa paglugos.

Giingong si Requinto maoy mihilabot sa iyang kinatawo samtang gipa um-om usab siya sa kinatawo ni Subelario.

Human sa hitabo dali siya nga mipauli ug namatikdan ang nagkadugo niyang sapot ug dinhi na misumbong siya sa iyang mga ginikanan nga gitabangan siya ug lugos sa iyang duha ka silingan.

Dali sila nga nagpatabang sa mga police sa syudad sa Carcar nga miresulta sa pagkasikop sa duha atol sa follow up operation.

Matod ni Sr. Supt. Eric Noble nga ang mga suspek dili lumad nga taga barangay Tuyom syudad sa Carcar sanglit bag-o pa kini namalhin sa maong lugar gikan sa syudad sa Naga.

Gituohan nga tigamitan sa illegal nga drugas ang mga suspetsado nga maoy hinungdan nga ilang nahimo ang krimen.

Facebook Comments