12 anyos nga batang babaye-patay human nalumos

Banga, South Cotabato–Patay ang usa ka 12 anyos nga batang babaye nga si alyas Rona nga gikaingong dunay sakit nga epilepsy, residente sa brgy. San Vicente,Banga, South Cotabato, human nga nahulog sa fishpond ug nalumos pasado alas 5:00 sa hapon sa nahisgutang lugar.

Gikabutyag ni Police Major Joseph Forro ang chief of police sa Banga Municipal Police Station nga gikan matud pa sa birthday ang biktima kauban ang iyang igsoon ug uyoan ug sa dihang namauli na kini sa ilang panimalay nakaagi sila ug fihspond ug gibadlong niini ang bata nga dili maghapit-hapit.

Nagdiretso matud pa ang duha gumikan kay duna pay kuhaon nga buko apan sa ilang pag-abot sa ilang panimalay nakurat lamang sila gumikan kay wala pa ang bata ug ilang gibalikan didto ilang nakit-an nga naglutaw na ang tsinelas sa bata sa fishpond ug nakita usab niini ang bata nga wala nay kinabuhi.


Nagtuo ang uyuan sa biktima nga posibleng giataki sa iyang balatian ang nasampit ug nahagbong sa fishpond nga hinungdan sa iyang pagkalumos. (Reynald Timario)

Facebook Comments