Dead on arrival sa ospital ang dose anyos matapos nga nakuryenti sa Brgy. New Dumangas, T’boli, South Cotabato pasado alas 7:00 kagab-i, Oktubre 11, 2020.
Ginkilala ang biktima kay Arnold Aduan Balibadlan, Jr., 12- years old kag residente sang Purok Survivor, Barangay New Dumangas sa banwa sang T`boli.
Base sa imbestigasyon sang T`boli MPS alas 5:30 sang hapon sa amo nga adlaw, ang biktima ang aksidente suno pa nga nakuryenti sa service drop wire sang SOCOTECO 1 samtang nagahampang upod ang tatlo ka mga pakaisa sa hagdan sang New Dumangas National High School malapit sa ila nga balay.
Gilayon naman nga gindala sa Moore House Mission Hospital sa Barangay Edwards sa nasambit nga banwa ang biktima, apang gindeklarar ini nga dead on arrival sang attending physician.
Nagapati naman ang pamilya nga ang rason sang kamatayon sang bata ang tungod sa gamay nga open live wire nga nagdikit sa basa sini nga buhok.
