12 Infantry Battalion may bag-o eon nga Commanding Officer

9

Kalibo, Aklan – May bag-o eon makaron nga commanding officer ro 12 Infantry Battalion, 3rd Infantry Division, Phil Army nga nahamtang sa Camp Jizmundo, Libas, Banga, Aklan matapos nga ginpatigayon rong turn-over of command ko Abril 5, 2019.
Raya hay si Lt. Col. Sisenando “John” Magbalot Jr., nga dating commanding officer it 61st Infantry Battalion sa Miag-ao, Iloilo ag dati man nga Operations Officer it 3rd Infantry Division nga nakabase sa Jamindan, Capiz ag Graduate it Class 1995 sa Philippine Military Academy.
Ginbuslan ni Lt. Col. Magbalot si Lt. Col. Ariel Garcia.
Sa pakikipag-angot it RMN DYKR Kalibo News Team kay Lt. Col. Magbalot hay nagpasaeamat imaw nga iya imaw sa 12IB na assign.
Ana man nga ginpahayag nga matapos rong turn-over ceremony hay insigida imaw nga nakipag coordinate kay Aklan Provincial Director PSSupt. Lope Manlapaz para nga istoryahan ro mga preparasyon ag ro deployment angot sa nagapaeapit nga midterm election sa mga areas of concern.
Pila man sa ana nga pagataw-an it igtaeopangud hay ro padayon nga pagtao it social services, development programs it probinsya ag pagpatigayon it mga awareness programs sa mga eskwelahan para nga ro insurgency hay indi eon mabuhi pa.
Igapadayon man ro mga medical missions sa pakikipagbuligan sa Provincial Povernment ag mga Local Government Units.
Pagpatigayon it mga combat operations para nga maabangan ro mga armado nga may planong maeain.
Pag imporma parte sa Enhance Comprehensive Local Integration Program para sa mga gusto magbalik loob sa gobyerno.
Nagpadumdom man si Magbalot sa mga pulitiko nga likawan ukon indi magtao sa mga nagapatigayon it extortion. Suno kana may mga reported pero raya hay subject for verification ag confirmation pa kung may kamatuoran.

Facebook Comments