124 ka balay gin-lockdown sa isa ka Purok sa Murcia bangud sa pagpositibo sang isa ka frontliner

25

Kapin sa 124 ka mga balay sa Purok New Site sa Brgy. Minoyan, Murcia ang gin lockdown matapos nagpositibo sa COVID-19 ang isa ka residente nga driver sang Provincial Disaster Risk Reduction and Management Office (PDRRMO).

Ini ang ginkumpirmar ni Murcia Mayor Gerry Rojas sa pagpakig-angot sang DYHB matapos nga nagpaguwa siya sang Executive Order nga nagabutang sang Brgy. Minoyan sa Enhanced Community Quarantine (ECQ) samtang Extreme Enhanced Community Quarantine (EECQ) naman ang Purok New Site.


Ang 18 naman ka mga nag-positibo sa rapid test santo sa contact tracing amo ang mga kaingod balay sang 47-anyos nga COVID-19 positive ukon si Patient 105 sang Negros Occidental. Ginkumpirmar man ni Rojas nga padayon lang ang byahe sang mga bus nga may ruta Bacolod-Mambucal apang nagpatigayon na sila sang disinfection. Nahibaluan nga wala naman naga-commute si Patient 105 bangud may kaugalingon ini nga motorsiklo.

Sa nauna man nga interview sang DYHB kay Gov. Eugenio Jose Lacson, nagahingyo ini sang kooperasyon sang mga residente sang Brgy. Minoyan agud indi na maglapta ang virus. Lantawon man sang gobernador kun anu ang mabulig sang probinsiya sa mga pumuluyo nga apektado sang ECQ kag EECQ sa Murcia.

[image: image.png]
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>

Facebook Comments