Banga, Aklan — May bag-o eon makaron nga Battalion Commander dong 12th Infantry Battalion sa Camp Jesus G. Jismundo Libas, Banga, Aklan.
Sa ginpatigayon nga turn-over ceremony ko Enero 22, ginbuslan ni Lieutenant Colonel Roderick Garcia si Lt. Col Vener Morga.
Si Morga hay nag serbe bilang battalion commander it 12th IB sa sueod it an-um nga buean.
Ginpangunahan ni Brigadier General Francisco Delfin, assistant division commander it 3rd Infantry Division, ro nasambit nga turn-over of command.
Si Garcia hay member it Philippine Military Academy Class 1994 ag native it Calamba City, Laguna, kung sa siin naging former commander man it 79th IB kung 3rd Infantry Division sa Tanjay, Negros Occidental sa sueod it daywang dag-on.
Nagpangako man si Garcia nga padayunon rong pagtinguha it Philippine Army para magapabilin rong probinsya it Aklan bilang insurgency-free samtang imaw rong naga dumaea it 12th IB.
(c) Aklan Furom
