BACOLOD CITY – Nadakpan sang Police Station 2 ang 13 anyos nga gina-kabig notorious nga suspek sa pagpangawat sa pila ka mga restaurants diri sa ciudad sang Bacolod las 4:30 ang takna kahapon sang hapon sa Purok Bayanihan, Barangay Villamonte.
Ginpahayag sang hepe sang Police Station 2 nga si PSInsp. Benedicto Villarias, Jr. nga matapos sang ila ginpatigayon nga surveillance, ila nadakpan ang menor de edad nga ginatudlo nga suspek sa pila ka kaso sang kinawatay lakipan kaso sang carnapping.
Paathag ni Villarias nga may yara sang ginatawag nga “boss” ang amo nga 13-anyos nga suspek nga suno sa iya amo naman ang naga-hatag sang proteksyon sa iya.
Nagasakay ini sa motorsiklo upod ang isa ka lalaki sa tion nga magahimo sila sang pagpangawat ukon biktimahon.
Suno sa hepe sang pulis nga kapin na sa 20 ka mga establishments ang nakawatan sang suspek kaupod sang iya grupo.
Ang suspek ang una na nga ginturn-over sa Social Development Center (SDC) apang nakapalagyo kag subong liwat naman nga ginbalik didto bangud nga ini siya ang isa ka minor./dyHB BACOLOD
