13 GIKAN SA 26 NGA DIRECT CONTACT SA ROF GIKAN MAASIN, NEGATIBO SA COVID-19

18

Maasim, Sarangani province–Negatibo ang resulta sa gihimong swab test sa mukabat 13 ka mga indibidwal nga naunang na trace sa lokal nga panggamhanan sa Maasim nga adunay direktang kontak sa 52 anyos nga ROF nga unang nagpositibo sa coivd-19 sa maong lungsod.
Sumala kang Maasim Mayor Zyrex Pacquiao nga gikan sa 26 nga nauna nilang na-trace ang 13 ka mga swab ang gipadala pa sa Cotabato Regional And Medical Center alang sa RT-PCR Test gumikan 13 lang ka slot ang nahatag sa south Cotabato Testing Facility.
Samtang nakapahigayon na usab ug 2nd level tracing ang LGU Maasim kung asa mukabat sa 41 ang nasayrang may kontak sa nauna ng 26 nga kasamtangang naka-isolate.
Dugang pamahayag ni Mayor Pacquiao nga sa karon ilaha pang ginahulat nga mugawas ang tanang resulta sa 26 nga may direktang kontak sa nasangpit nga ROF ayha nila tanggalon ang gipatumang lockdwon sa Barrio Site sa Brgy. Colon, Maasim.
Samtang nauna na usab sila nga nanghatud ug ayuda para sa mga residente sa lugar nga naapektuhan sa maong lockdown.(LVR)

Facebook Comments